Sjómannadagsráð og Hrafnista veita framúrskarandi þjónustu fyrir íbúa og þjónustuþega. Hrafnista er heimili fólks og vinnur eftir hugmyndafræði Hrafnistu, sem gengur út á að starfsemin og verklag deilda sé sveigjanlegt og fari eftir þörfum einstaklingsins sjálfs.

Hugmyndafræðin er hjartað í starfsemi Hrafnistu en samhliða henni er unnið markvisst að ákveðnum verkefnum þvert á öll Hrafnistuheimilin sem ætlað er að bæta starfsumhverfið og þróa þjónustuna. Öryggi og traust er mikilvægur þáttur í lífsgæðum íbúa sem flytja á hjúkrunarheimili eða búa í DAS íbúðum.

Að íbúar finni fyrir hlýju, létti og öryggi byggir á þekkingu starfsfólks á því hvernig „heimili að heiman“ er skapað. Öll tækniþróun hefur það að markmiði að færa starfsfólkið nær íbúum og þjónustuþegum og tæknin er nýtt til að auka öryggi og gæði.